Жаңалықтар

Жаңалықтар

Түркістан облыстық мәслихатының 2021 жылғы 15 қаңтардағы №1/5-VII «Жетінші шақырылымдағы Түркістан облыстық мәслихаты тұрақты комиссияларының мүшелерін сайлау туралы» шешіміне өзгерістер енгізу туралы

2021 жылғы 11 маусымда өткен жетінші шақырылымдағы облыстық мәслихаттың кезектен тыс алтыншы сессиясында Түркістан облыстық мәслихатының 2021 жылғы 15 қаңтардағы №1/5-VII «Жетінші шақырылымдағы Түркістан облыстық мәслихаты тұрақты комиссияларының мүшелерін сайлау туралы» шешіміне мынадай өзгерістер енгізу туралы мәселе қаралып, шешім қабылданды.

Нәтижесінде, жаңадан сайланған депутат Дәулетияров Нұралы Әбдірахымұлы көрсетілген шешіммен бекітілген жетінші шақырылымдағы Түркістан облыстық мәслихатының әлеуметтік-мәдени даму және депутаттық этика мәселелері жөніндегі  тұрақты комиссиясының құрамына сайланды.

Аталған комиссия құрамынан депутаттық өкілеттіктерінің мерзімінен бұрын тоқтатылуына байланысты Өміртай Амалбек Даркенұлы шығарылды.

Жаңалықтар

Түркістан облыстық мәслихатының депутаты А.Д.Өміртайдың депутаттық өкілеттіктерін мерзімінен бұрын тоқтату туралы

2021 жылғы 11 маусымда өткен жетінші шақырылымдағы облыстық мәслихаттың кезектен тыс алтыншы сессиясында Түркістан облыстық мәслихатының депутаты А.Д.Өміртайдың депутаттық өкілеттіктерін мерзімінен бұрын тоқтату туралы  мәселе қаралып, шешім қабылданды.

Нәтижесінде, Қазақстан Республикасының заңнамасына сәйкес депутаттық мiндеттердi орындаумен сыйымсыз лауазымға тағайындалуына байланысты Түркістан облыстық мәслихатының депутаты Амалбек Даркенұлы Өміртайдың депутаттық өкілеттіктері мерзімінен бұрын тоқтатылды.

Жаңалықтар

Түркістан облысы Кентау қаласының шекарасын өзгерту және cауран ауданының шекарасын белгілеу туралы

2021 жылғы 11 маусымда өткен жетінші шақырылымдағы облыстық мәслихаттың кезектен тыс алтыншы сессиясында Түркістан облысы Кентау қаласының шекарасын өзгерту және Сауран ауданының шекарасын белгілеу туралы мәселе қаралып, шешім қабылданды.

Нәтижесінде, Кентау қаласының шекарасы оның шекарасынан  жалпы көлемі 721745,0 гектар Шаға, Жаңа Иқан, Ескі Иқан, Үшқайық, Иассы, Ораңғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтерінің жерлері және Ащысай ауылы аумағының айналасында орналасқан жерлер шығарыла отырып өзгертілді.

Сауран ауданының шекарасы оның шекарасына Кентау қаласының шекарасынан берілетін жалпы көлемі 721745,0 гектар Шаға, Жаңа Иқан, Ескі Иқан, Үшқайық, Иассы, Ораңғай, Қарашық, Жүйнек, Бабайқорған, Шорнақ, Жібек жолы, Майдантал ауылдық округтерінің жерлерін және Ащысай ауылы аумағының айналасында орналасқан жерлерді қосу жолымен өзгертілді.

Жаңалықтар

Жетінші шақырылымдағы Түркістан облыстық мәслихатының кезектен тыс алтыншы сессиясы

2021 жылғы 11 маусымда сағат 11.00-де жетінші шақырылымдағы Түркістан облыстық мәслихатының кезектен тыс алтыншы сессиясы онлайн режимде өтті.

Сессияның жұмысын облыстық мәслихат депутаты А.Орман жүргізді.

Облыстық мәслихат сессиясының күн тәртібіне мына мәселелер енгізілді:

  1. Түркістан облысы Кентау қаласының шекарасын өзгерту және Сауран ауданының шекарасын белгілеу туралы;
  2. Түркістан облыстық мәслихатының депутаты А.Д.Өміртайдың депутаттық өкілеттіктерін мерзімінен бұрын тоқтату туралы;
  3. Түркістан облыстық мәслихатының 2021 жылғы 15 қаңтардағы №1/5-VII «Жетінші шақырылымдағы Түркістан облыстық мәслихаты тұрақты комиссияларының мүшелерін сайлау туралы» шешіміне өзгерістер енгізу туралы.

          Аталған мәселелерді қарау нәтижесі бойынша облыстық мәслихат депутаттары тиісті шешімдер қабылдады.

Жаңалықтар

Түркістан облыстық мәслихаты сессиясы төрағасының 2021 жылғы 7 маусымдағы №11-Ш шешімі

Жетінші шақырылымдағы Түркістан облыстық

мәслихатының кезекті жетінші сессиясын шақыру туралы

«Қазақстан Республикасындағы жергілікті мемлекеттік басқару  және өзін-өзі басқару туралы» Қазақстан Республикасының 2001 жылғы 23 қаңтардағы Заңының 10-бабы 2-тармағына сәйкес 2021 жылғы  18 маусымда сағат 11:00-де Түркістан қаласында жетінші шақырылымдағы Түркістан облыстық мәслихатының кезекті жетінші сессиясы шақырылсын. 

Облыстық мәслихат

сессиясының төрағасы                                                 А. Орман

 

 

ОБЛЫСТЫҚ МӘСЛИХАТТА

Түркістан облыстық мәслихатының депутаттары мен облыс халқының назарына

«Қазақстан Республикасындағы жергілікті мемлекеттік басқару және өзін-өзі  басқару туралы» Қазақстан Республикасы Заңының 10-бабына сәйкес Сіздердің назарларыңызға жетінші шақырылымдағы Түркістан облыстық мәслихатының кезекті жетінші сессиясының 2021 жылғы 18 маусымда сағат 11:00-де облыс әкімдігінің ғимаратында өтетіндігін жеткіземін, мекен-жайы: Түркістан қаласы, Әкімшілік-іскерлік орталық (1-қабаттағы мәжіліс залы).

Депутаттар мен шақырылғандарды тіркеу 18 маусымда сағат 10:00-ден бастап зал фойесінде жүргізіледі.       

Сессия қарауына енгізілетін мәселелер:

  1. Облыс әкімдігінің және облыстық тексеру комиссиясының 2020 жылға арналған облыстық бюджеттің атқарылуы жөніндегі есептері;
  2. Түркістан облысы құрылыс басқармасы басшысының 2020 жылғы атқарылған жұмыстар жөніндегі есебі туралы;
  3. Түркістан облыстық мәслихатының 2020 жылғы 11 желтоқсандағы №54/557-VI «2021-2023 жылдарға арналған облыстық бюджет туралы» шешіміне өзгерістер енгізу туралы;
  4. Түркістан облысында орналасқан мемлекет меншігіндегі физикалық-географиялық объектіні қайта атау туралы ұсынысты Қазақстан Республикасы Үкіметі жанындағы Республикалық ономастика комиссиясының қарауына енгізу туралы;
  5. Түркістан облысында орналасқан мемлекеттік заңды тұлғаларға атау беру және қайта атау туралы ұсыныстарды Қазақстан Республикасының Үкіметі жанындағы Республикалық ономастика комиссиясының қарауына енгізу туралы;
  6. Түркістан облысының қалдықтарды басқару жөніндегі бағдарламасын бекіту туралы;
  7. Түркістан облыстық мәслихатының 2021 жылғы 4 ақпандағы №2/15-VII «Саяси қуғын-сүргін құрбандарын толық ақтау жөніндегі өңірлік комиссияның дербес құрамын бекіту туралы» шешіміне өзгерістер енгізу туралы;
  8. Оңтүстік Қазақстан облысы әкімдігінің 2016  жылғы   22  қаңтардағы №17 «Азаматтық қызметшілер болып табылатын және ауылдық жерде жұмыс істейтін денсаулық сақтау, әлеуметтік қамсыздандыру, білім беру, мәдениет, спорт және ветеринария саласындағы мамандар лауазымдарының тізбесін анықтау туралы» қаулысына өзгерістер мен толықтыру енгізу» Түркістан облысы әкімдігі қаулысының жобасын келісу туралы;
  9. Түркістан облыстық мәслихатының 2019 жылғы 9 желтоқсандағы №44/477-VI «Түркістан облысы бойынша әлеуметтік маңызы бар қатынастардың тізбесін айқындау туралы» шешіміне толықтыру енгізу туралы;
  10. Түркістан облыстық мәслихатының 2021 жылғы 19 наурыздағы №3/30-VIІ «Түркістан облысының аумағында оларды бұзғаны үшін әкімшілік жауаптылық көзделген төтенше жағдайлар туындаған кезде қоғамдық тәртіп пен қауіпсіздікті қамтамасыз ету, олардың алдын алу және жою жөніндегі қағидаларды бекіту туралы» шешімінің күшін жою туралы;
  11. Түркістан облыстық мәслихатының 2020 жылғы 11 желтоқсандағы №54/571-VІ «Түркістан облыстық мәслихатының 2021 жылға арналған жұмыс жоспары туралы» шешіміне өзгеріс пен толықтыру енгізу туралы;
  12. «Түркістан облыстық мәслихат аппараты» мемлекеттік мекемесінің жарғысына өзгеріс енгізу туралы;
  13. Жетінші шақырылымдағы Түркістан облыстық мәслихатының кезекті сессиясына төраға сайлау туралы.

Сессия қарауына келіп түсуіне қарай өзге де мәселелер енгізілуі мүмкін.

Жетінші шақырылымдағы Түркістан облыстық мәслихатының кезекті  жетінші сессиясының онлайн-трансляциясы maslihat-turkistan.gov.kz  мекенжайы бойынша мәслихаттың ресми сайтында жүргізілетін болады.

        

Облыстық мәслихат

хатшысы                                                                             Қ. Балабиев

Жаңалықтар

Түркістан облыстық мәслихаты сессиясы төрағасының 2021 жылғы 3 маусымдағы №10-Ш шешімі

Жетінші шақырылымдағы Түркістан облыстық

мәслихатының кезектен тыс алтыншы сессиясын шақыру туралы

«Қазақстан Республикасындағы жергілікті мемлекеттік басқару                            және өзін-өзі басқару туралы» Қазақстан Республикасының 2001 жылғы                                 23 қаңтардағы Заңының 10-бабы 2-тармағына сәйкес 2021 жылғы                                  11 маусымда сағат 11:00-де жетінші шақырылымдағы Түркістан облыстық мәслихатының кезектен тыс алтыншы сессиясы қашықтық режимінде шақырылсын. 

Облыстық мәслихат

сессиясының төрағасы                                                 А. Орман

ОБЛЫСТЫҚ МӘСЛИХАТТА

Түркістан облыстық мәслихатының депутаттары мен облыс халқының назарына

«Қазақстан Республикасындағы жергілікті мемлекеттік басқару және өзін-өзі  басқару туралы» Қазақстан Республикасы Заңының 10-бабына сәйкес Сіздердің назарларыңызға жетінші шақырылымдағы Түркістан облыстық мәслихатының кезектен тыс алтыншы сессиясының 2021 жылғы 11 маусымда сағат 11:00-де онлайн-форматта өтетіндігін жеткіземін.

Сессия қарауына енгізілетін мәселе:

Түркістан облысы Кентау қаласының шекарасын өзгерту және Сауран ауданының шекарасын белгілеу туралы.

Сессия қарауына келіп түсуіне қарай өзге де мәселелер енгізілуі мүмкін.

Жетінші шақырылымдағы Түркістан облыстық мәслихатының кезектен тыс алтыншы сессиясының онлайн-трансляциясы maslihat-turkistan.gov.kz  мекенжайы бойынша мәслихаттың ресми сайтында жүргізілетін болады.

  

Облыстық мәслихат

хатшысы                                                                             Қ. Балабиев

 

Жаңалықтар

Құрметті жерлестер!

Бүгін кең-байтақ Отанымызда, қасиетті Қазақстанымызда үлкен мереке – Мемлекеттік рәміздердің қабылданған күні аталып өтуде.

Осы орайда, баршаңызды Тәуелсіз мемлекетіміздің – Қазақстан Республикасының Мемлекеттік рәміздер күнімен құттықтаймын!

Мемлекеттік рәміздер – Мемлекеттік ту, Мемлекеттік Елтаңба және Мемлекеттік Гимн – егемен еліміздің, тәуелсіз мемлекетеміздің ең басты құндылықтары. Ту – тәуелсіздік пен тұтастықтың тұғырлы өлшемі, азаттықтың айырылмас бөлшегі! Ол ежелден елдіктің басты белгісі болып есептелген. Туды кие тұтып, айрықша қастерлеу – ата-бабаларымыздан тамыр тартқан арналы дәстүр.

Сондықтан, Тәуелсіздік туын биікке көтеріп, бекем ұстау, қасиет тұту – бүгінгі ұрпаққа өнеге болуы тиіс.

Елтаңбаның ең басты белгісі – күн бейнелі шаңырақ. Шаңырақ – қазақтың ең қасиетті дүниесі. Мыңдаған жылдар бойы ата-бабаларымыз киіз туырлық жабылған шаңырақ астында өмір сүріп келді. Елтаңбада алтын қанатты жылқылар – қос пырақ бейнеленген. Ата-бабаларымыз мыңдаған жылдар бойы пырақтар мініп, білектің күші, найзаның ұшымен кең-байтақ жерімізді ұрпағы үшін қорғады. Сондықтан да Елтаңбадағы қос пырақтың бейнесі терең тарихымыздың сырын ашады.

Мемлекеттік Гимн – ұлттық және патриоттық тәрбиенің нағыз қайнар көзі. Гимн – халқымыз тарихының тереңдігі, еңбексүйгіштігі, ынтымақ пен бірлік, береке мен бейбітшілік жыры.

Осы орайда, барлығыңызды Мемлекеттік рәміздерімізді көздің қарашығындай қорғауға, қастерлеуге шақырамын.

Еліміздің өркендеп-өсіп, абыройы мен мәртебесінің асқақтай түсуіне қызмет ете берейік! Отанымыздың нағыз патриоттары болайық!

Жаңалықтар

Құрметті жерлестер!

Баршаңызды 7 Мамыр – Отан қорғаушылар және 9 Мамыр – Ұлы Жеңіс мерекелерімен шын жүректен құттықтаймын!

Шаттыққа толы бұл күндер – еліміздегі  барлық азаматтардың мерейін үстем еткен, ұрпаққа үлгі болған, тағылымы терең тарихи мейрамдар!

Отан қорғаушылардың бұрынғы және қазіргі кездегі даңқты ерліктеріне сый-құрмет көрсетілетін бұл күндер – қаһармандық пен қайсарлықтың үлгісі, тарихымыздың мәңгілік ұмытылмас парағы болып қала бермек.

Табанды да қайсар мінезді жауынгерлеріміздің және тылда тынымсыз еңбек еткен ағаларымыз бен апаларымыздың даңқты ерлігі арқасында қол жеткізген бүгінгі бейбіт өміріміз бен бақытты болашағымыз үшін алғысымызды білдіреміз!

Осы орайда, баршаңызды айтулы мерекелермен құттықтай отырып, еліміздің өркендеуі жолында атқарып жатқан игілікті қызметтеріңізге табыс, отбасыларыңызға амандық, дендеріңізге саулық және мол бақыт тілеймін.

Жаңалықтар

Қазақстан Республикасы Парламенті Сенатының депутаты Ә.Құртаевтың Сауран ауданындағы кездесуі

2021 жылғы 5 мамыр күні Қазақстан Республикасы Парламенті Сенатының депутаты Құртаев Әлімжан Сейітжанұлы Түркістан облысына іссапармен келіп, жаңадан құрылған Сауран ауданында кездесу өткізді.

Аталған кездесуге Түркістан облыстық мәслихатының хатшысы Қайрат Балабиев, Сауран ауданының әкімі Ғани Рысбеков, жаңадан сайланған Сауран аудандық мәслихат депутаттары, Кентау қалалық мәслихат депутаттары және Сауран ауданы әкімінің орынбасарлары мен бөлім басшылары қатысты.

Кездесуде жаңадан құрылған Сауран ауданының экономикалық дамуы мен құрамынан бірқатар ауылдық округтері Сауран ауданына өткен Кентау қаласының өркендеуі  туралы мәселелер қозғалды. Мұндағы басты мақсат – тұрғындарға барынша қолайлы тұрмыстық жағдайлар жасау, ауыл, елді мекендерді жайлы, қауіпсіз, таза да көрікті аумаққа айналдыру. Осы мәселелер бойынша отырыста халық қалаулылары пікір алмасып, көкейтесті мәселелермен бөлісті.

Жиын барысында ең алғашқы болып сөз алған Сенат депутаты Әлімжан Құртаев Сауран ауданының құрылуымен және жаңадан сайланған халық қалаулыларын құттықтай отырып, жаңа ауданның әлеуетін арттыру жолындағы еңбектеріне табыс тіледі.

Сонымен қатар, Қазақстан Республикасы Парламент Сенатында жүзеге асырылып жатқан жұмыстармен таныстыра отырып, депутаттардың бірқатар сұрақтарына жауап берді.

Өз сөзінде, Ә.Құртаев ағымдағы жылы  Сенатта 40 астам Заң жобасы қаралып, қабылданғанын жеткізді. Атап айтқанда, жер, тұрғын үй, өнеркәсіп, цифрландыру, ғылым, ұлттық құндылықтар және т.б. мәселелер бойынша қабылданған заңдардағы өзгерістерге тоқталып өтті. Сондай-ақ, Кентау қаласының экологиялық ахуалына қатысты да тиісті шаралар қабылданып жатқандығын жеткізді.

Осы орайда, Сауран аудандық мәслихат хатшысы М.Күнпейісов және аудандық мәслихат депутаты Н.Жүсіпбаев тұрғын үй, жер, ауыл шаруашылығын субсидиялау мәселелері бойынша сұрақтарын қойып, сонымен қоса, осы саладағы заңдарға жиі өзгерістер енгізілу салдарынан бірқатар қиындықтар туындайтындығын жеткізіп, осы мәселені оңтайландыруды ұсынды.

Сенат депутаты Әлімжан Сейітжанұлы айтылған ұсыныстар мен пікірлерді алдағы уақытта жүзеге асыруға атсалысатындығын жеткізді.

Басқосу соңында облыстық мәслихат хатшысы Қ.Балабиев  жиынға қатысушыларды тағы да тарихи оқиғамен құттықтай отырып, жаңа ауданның жаңа құрамына аудан экономикасын көтеру жолындағы игілікті істеріне сәттілік тіледі.

Жаңалықтар

Құрметті Түркістан облысының тұрғындары мен қонақтары!

Баршаңызды 1 Мамыр – Қазақстан халқының бірлігі мерекесімен шын жүректен құттықтаймын!

Бұл күн – әрбір қазақстандық үшін Отанға деген сүйіспеншілік пен патриоттық сезімнің, жалпы ұлттық келісімнің мерекесі. Халық бірлігі мерекесі күні ел азаматтары әлемдік қауымдастық тарапынан жоғары бағаланған қазақстандық татулық пен келісімді паш етеді.

Қоғамдық келісім мен саяси тұрақтылық – біздің ең маңызды байлығымыз! Дана халқымыз «Бірлік бар жерде – тірлік бар» демекші, бүгінде ұлттар тұтастығы мен халықтар достығының арқасында мемлекетіміз өркендеп, ілгері басып келеді.

Осы орайда, баршаңызды айтулы мерекемен құттықтай отырып, отбасыларыңызға аманшылық пен шаттық, бақыт-береке, ашық аспан және елімізді өркендету жолындағы еңбектеріңізге мол табыс тілеймін!

Еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!