Қуатбекова Рабиға Әбдімұсақызы

 (айы,жылы) Қаңтар, 2021 ж. Қазан, 2005 ж.
Бастап (қай шақырылым депутаты және негізгі қызмет орны, лауазымы толық көрсету қажет) Жетінші шақырылымдағы Түркістан облыстық мәслихатының депутаты. Академик Ә.Қуатбеков атындағы Халықтар достығы университетінің ректоры.
Туған кезі (күні, айы, жылы) 31 наурыз  1968 ж.
Туған жері Қазақстан Республикасы, Шымкент қаласы
Ұлты қазақ Білімі жоғары
Бітірген жылы 1991 ж. 1999 ж. 2004 ж. Алматы мемлекеттік медицина институты «Қайнар» университеті Қазақ-Өзбек инженерлік-гуманитарлық университеті
Білімі бойынша мамандығы «Емдеу ісі», «Заңгер», «Педагогика және психология»
Қандай шетел тілдерін немесе ТМД халықтарының тілдерін біледі Орыс тілі – еркін, ағылшын тілі – сөйлеу деңгейінде Ғылыми дәрежесі, ғылыми атағы Медицина ғылымдарының докторы (2005 ж.); Қазақстан ұлттық жаратылыстану ғылымдары академиясының академигі (2007 ж.); Профессор (2011 ж.).
Мемлекеттік наградалары, құрметті атақтары бар ма (қандай, алған жылы) «Білім беру ісінің үздігі» медалі (2013 ж.); «Қазақстан Республикасының Тәуелсіздігіне 25 жыл» мерекелік медалі (2016 ж.); «Астана 20 жыл» мерекелік медалі (2018 ж.); «Қазақстан мәслихаттарына 25 жыл» мерекелік медалі (2019 ж.); «Қазақстан Республикасының  Құрмет грамотасы» (2019 ж.); «Қазақстан халқы Ассамблеясына 25 жыл» мерекелік медалі (2020 ж.); «Қазақстан Конституциясына 25 жыл» мерекелік медалі (2020 ж.); «Облысқа сіңірген еңбегі үшін» медалі (2020 ж.)
Партияға қатыстылы 2005 жылдан бастап «Nur Otan» партиясының мүшесі
 
Келген / Кеткен айы және жылы БҰРЫНҒЫ ЖҰМЫСЫ
01.1992 ж. 05.1995 ж.  «Фосфор» МСБ, акушер-гинеколог дәрігері, Шымкент қ.
05.1995 ж. 11.1999 ж. «Қайнар» университетінің Оңтүстік Қазақстан аумақтық филиалы, кафедраның аға оқытушысы
11.1999 ж. 01.2000 ж. «Қайнар» университетінің Оңтүстік Қазақстан аумақтық филиалы, кафедра меңгерушісі
01.2000 ж. 02.2002 ж. Қазақ–Өзбек инженерлік-гуманитарлық университетінің күндізгі және сырттай оқу бөлімінің деканы
02.2002 ж. 03.2003 ж. Қазақ-Өзбек инженерлік-гуманитарлық университетінің оқу ісі жөніндегі проректоры
03.2003 ж. 10.2005 ж. Қарағанды мемлекеттік медицина академиясында ғылым докторы дәрежесін ізденуші
10.2005 ж. Қ.у.д. Академик Ә.Қуатбеков атындағы Халықтар достығы университетінің ректоры, Оңтүстік Қазақстан мемлекеттік фармацевтика академиясының қоғамдық денсаулық сақтау кафедрасының доценті

29.01.2021

Бүгін, 29.01.2021 ж. «Nur Otan» партиясының Арыс қалалық филиалында қоғамдық қабылдау бөлмесінің 2021 жылға арналған жұмыс жоспарына сәйкес, Түркістан облыстық мәслихатының депутаты  Қуатбекова Рабиға Әбдімұсақызы қала тұрғындарымен ашық, әрі жария жеке қоғамдық қабылдау өткізді.

Қабылдауға келген қала тұрғыны Ш.Нұрымов – Қабылсай елді мекеніндегі мешіттің өзекті мәселесін көтеріп келген. Мұны естіген бойда депутат Р.Қуатбекова мешіттегі ахуалды шешуге өз тарапынан қолдау көрсететінін жеткізді.

Қаланың жас белсендісі Е.Ерқара өзге қалалардағыдай Арыста да  Оқушылар сарайы болса деген тілекпен келіпті. Р.Қуатбекова өз кезегінде Арыс қаласына Оқушылар сарайын салуға жобалық-сметалық құжаттар әзірленгенін алға тартып, алдағы уақытта жоба құрылысын қаржыландыруға депутаттық бақылау жүргізетінін мәлімдеді.

Жоғары оқу орнында білім алып жатқан Ж.Төреқұлова көпбалалы ана ретінде төлемақы жеңілдігін сұрап қабылдауға келген. Сол арада депутат Р.Қуатбекова шұғыл шешім қабылдап, оқу орнының директорымен телефон арқылы хабарласып, мәселесін оңтайлы шешуге атсалысты.

«Халық қалаулысы ретінде тұрғындардың талап-тілегін тыңдап, мәселелердің оң шешімін табуы үшін қызмет ету – міндетім деп білемін!» -деді Р.Қуатбекова. Ал жергілікті жұртшылықпен жария жеке қоғамдық қабылдау шарасы алдағы уақытта да тиісті кестеге сай, өз жалғасын табатын болатындығын жеткізді.

20.05.2021 жылы «Nur Otan» партиясының Арыс қалалық филиалында қала тұрғындарымен «Қоғамдық қабылдау» айдарымен онлайн режимде кездесу өткізілді.

Халықтың жалпы көтерген сұрақтары негізінен әлеуметтік мәселелер жұмыспен қамту,  ауыз су және газ тарту мәселесі туралы болды. Қаланың жас белсендісі Е.Ерқара «өзге қалалардағыдай бізде де «Оқушылар сарайы» болса»,- деген тілекпен сұрақ қойды. Депутат Р.Қуатбекова өз кезегінде Арыс қаласына «Оқушылар сарайын» салуға жобалық-сметалық құжаттар әзірленгенін алға тартып, алдағы уақытта жоба құрылысының қаржылануына депутаттық бақылау жүргізітінін мәлімдеді.

 «Nur Otan» партиясының сайлауалды бағдарламасында көрсетілген кестеге сәйкес жоғарыда көтерілген мәселелер кезең-кезеңімен 2021-2025 жылдарға дейін шешілетініне тоқталып өтті. «Халық қалаулысы ретінде тұрғындардың талап-тілегін тыңдап, мәселелердің оң шешімін табуы үшін қызмет ету – өз міндетім деп білемін!» ,- деді Р.Қуатбекова. Ал жергілікті жұртшылықпен  жария жеке қоғамдық қабылдау

КАНВАССИНГ КЕЗДЕСУ

2021 жылдың 25 маусым күні Түркістан облыстық мәслихатының депутаты Рабиға Әбдімұсақызы Қуатбекова кезекті канвассинг кездесу аясында Арыс қаласының құрметті азаматы, тыл және еңбек ардагері, 85 жастағы Ысқабай Төлебай атамен кездесу өткізді. Жүздесу барысында еңбек ардагері талай жыл білім және мемлекеттік қызметте еңбек етіп, қаласының гүлденуіне өз үлесін қосқандығын айтып өтті. Депутат өз кезегінде «Nur Otan» партиясының 2025 жылға дейінгі  «Өзгерістер жолы:Әр азаматқа лайықты өмір» атты сайлауалды бағдарламасының жүзеге асырылып жатқандығын және оның орындалуы туралы қысқаша атап өтті. Ардагер партияның алға қойған мақсаттарының орындалуына оң баға беріп, алдағы уақытта толағай табыстарға жетуіне ақ тілегін білдірді.

ҚОҒАМДЫҚ ҚАБЫЛДАУ

2021 жылғы 25 маусым күні Түркістан облыстық мәслихатының депутаты Рабиға Әбдімұсақызы Қуатбекова «Nur Otan» партиясы Арыс қалалық филиалында кестеге сай кезекті қоғамдық қабылдау өткізді. Қоғамдық қабылдауға келген азаматтар негізінен әлеуметтік мәселелерді көтерді. Атап айтқанда, жұмысқа орналасу, «Бастау Бизнес» жобасы аясында жеке кәсібін ары қарай дамыту және Монтайтас ауылдық округіндегі Б.Онтаев пен Көкжиде елді-мекеніндегі М.Маметова мектептерін күрделі жөндеуден өткізу туралы мәселелерінің шешілуіне ықпал етуді сұрады.

Нәтижесінде, депутат Рабиға Қуатбекова тиісті құзырлы мемлекеттік органдарға ұсыныстар жолдап, өз бақылауына алатынын жеткізді.

АРЫСТА ЖЕР ҚОЙНАУЫН ПАЙДАЛАНУШЫЛАРДЫҢ ЖҰМЫСТАРЫНА ЗЕРДЕЛЕУ ЖҮРГІЗІЛДІ

2021 жылғы 20 қазанда Түркістан облыстық мәслихатының депутаты, «Nur Otan» партиясы фракция мүшесі Р.Қуатбекова, Түркістан облыстық инвестиция және экспорт басқармасы басшысының орынбасары Қ.Шонбасов, жер қойнауын пайдалану бөлімінің бас маманы Ү.Сазанбай, «Nur Otan» партиясы Арыс қалалық филиалы төрағасының бірінші орынбасары Б.Ділдәбеков, қалалық мәслихат депутаттары, қалалық «Nur Otan» партиясының партиялық бақылау комиссиясының және қала әкімдігі жанынан құрылған мобильдік топ мүшелері қала аумағындағы жер қойнауын пайдаланып жатқан компаниялардың заң талаптарының сақталуына зерделеу жұмыстарын жүргізді.

Арыс қаласы бойынша келісім-шарт негізінде 10 кәсіпорынға және лицензия түрінде 9 жер қойнауын пайдаланушыларға рұқсаты берілген. Оның ішінде 2021 жылы Түркістан облысының инвестиция және экспорт басқармасы тарапынан 2 кәсіпорынның рұқсаты кері қайтарылған. Қазіргі таңға келісім-шарт негізінде 7 кәсіпорын, лицензия түрінде 1 кәсіпорын жұмыс жасауда. Ал қалған келісім-шарт негізіндегі 1 және 8 лицензия түріндегі кәсіпорындар бүгінгі таңда тиісті құжаттарды рәсімдеуіне байланысты құм өндіру жұмыстары жүргізілмеуде.

Арыс қаласы бойынша жер қойнауын заңсыз өндірудің мониторингі және жүк автомобилінің рұқсаты етілген көлемдік және салмақтық параметрлерінен асып кетуіне жол бермеу жөніндегі мобильдік тобының құрамы бекітілген. Осы құрылған топ Түркістан облысы әкімінің хаттамалық тапсырмасына сәйкес қала аумағындағы автомобиль жолдарының бұзылуына жол бермеу және қала маңындағы карьерлерден шығатын ауыр жүк көліктерінің рұқсат етілген көлемдік және салмақтық параметрлерінен асып кетуіне жол бермеу мақсатында рейдтік іс-шаралар жүргізілген. Рейд  барысында ҚР ӘҚБК  590, 630-баптарымен 29 хаттама толтырылған. Облыстық көлік инспекциясымен бірлесіп артық салмақ және жүк құжаттарының болмауына 6 хаттама толтырылған. Заңсыз жер қойнауын пайдалану жағдайының орын алмауын бақылайтын мобильді топ тұрақты түрде тиісті жұмыстарды атқаруда. Бүгінгі таңда заңсыз жер қойнауын пайдалану жағдайлары орын алмаған.

Арыс қаласы бойынша жер қойнауын пайдаланушыларға жұмысшы топтың тарапынан қала аумағындағы автомобиль жолдарының бұзылуына жол бермеу үшін, қала маңындағы карьерлерден шығатын кіре беріс аумағына ауыр жүк көліктерінің салмағын өлшейтін таразы орнату және жүк көліктерінің тиісті талаптарды сақтауын қадағалау үшін (құмның шашылуын болдырмау, көліктердің үстін арнайы тентпен жабу және т.б) ұсыныстар айтылды. Жұмысшы топ қала аумағындағы өндірістік кәсіпорындардың жұмыстарын бақылауға алып, алдағы уақытта да мониторинг жұмыстарының жалғасатындығын жеткізді.

Бүгін, 20.10.21 ж. «Nur Otan» партиясы Арыс қалалық филиалының қоғамдық қабылдау бөлмесінің 2021 жылға арналған жұмыс жоспарына сәйкес, Түркістан облыстық мәслихат депутаты Қуатбекова Рабиға Әбдімұсақызы қала тұрғындарымен қоғамдық қабылдау өткізді. Қоғамдық қабылдауға келген қала тұрғыны Сапарханов Мұхамеджан 2019 жылғы Арыс қаласында орын алған апатты жағдайға байланысты өзінің кәсіпкерлік нысан ғимараты жарамсыз жағдайға түскендігін айтып, бүгінге дейін мемлекет тарапынан ешқандай қаржылай көмек көрсетілмей келе жатқандығы туралы өз шағымын атап айтты. Осы уақытқа дейін қаншама құзырлы органдардың есігін қақса да, қол ұшын созар мемлекеттік мекемелер мен әкімдік басшылары жоқтығын атап өтті. Р.Қуатбекова өз кезегінде мән-жәйдің  егжей-тегжейлігін зерттеп, ахуалдың оң шешілуіне өз тарапынан қолдау көрсететіндігін жеткізді.

Келесі кезекте Арыс қаласының тұрғыны Әріпбаева Ұлбосын Шүкірқызы анасының құжаттарының жоғалуына байланысты қайта қалпына келтіру үшін  көмек сұрады. Халық қалаулысы Арыс қалалық ХҚКО-ның басшылығымен хабарласып жағдайды түсіндірді. Аталмыш мекеме басшылығы өз кезегінде  Ұ.Шүкірқызының анасының жоғалған құжаттарын   қайта қалпына келтіріп беретіндіктерін мәлімдеді.

Қабылдауға келген қала тұрғынынын бірі көп балалы әке Бағдат Шекербеков өз өтінішінде, Каспий банктен алған несие мәселесі туралы баяндады. Ондағы негізгі мәселе алынған қаржыға банк басшылығы 6 ай көлемінде несие төлемақысын шегеріп береміз деп қоңырау шалып, нәтижесінде уақыт өткеннен кейін өсім пайызы жоғарылап кеткендігі туралы шағымданды. Өз кезегінде депутат жоғарыда аталған азаматтың өтінішін сараптап, назарға алатындығын жеткізді.

Аналарды ардақтайық!

Бүгін 25.10.21ж  «Nur Otan» партиясы Арыс қалалық филиалының «Ардагерлерді ардақтайық» атты партиялық жобасы аясында  құрылған кестесіне сәйкес, облыстық мәслихат депутаты Рабиға Қуатбекова қалалық «Ардагерлер орталығына» барды.  Арыс қалалық ардагерлер кеңесі жанындағы «Әжелер алқасының» төрайымы  Өрікгүл Елубаева  және бір топ ардагерлер жылы лебізін білдіріп қарсы алды. Алғаш болып сөз алған Ө.Ерубаева бүгінгі күнге дейін әр салада еңбек етіп, бүгін де зейнет жасына жеткен замандастарының ой-пікірлерін тыңдап, көтерілген кейбір мәселелердің шешілуіне ат салысатындықтарын атап айтты.  Сонымен қатар, еліміздің ертеңі жас ұрпақтың бойына, туған жерге, елге, өз халқына деген сүйіспеншілікті арттыру, отбасы құндылықтарын сақтау, рухани дүниемізді жаңғырту бағытында сөз болып ұрпақтар сабақтастығын қалыптастырудағы өз ой пікірлерімен бөлісті.   Арыс қаласы әжелер алқасының жанынан құралған «Әжелер ансамблі» өз жұмыстарын жандандырып, әдет-ғұрып пен салт-дәстүрімізді дәріптеуде жоғары нәтижеге қол жеткізіп келе жатқандығы туралы атап өтті.    Р.Қуатбекова өз кезегінде «Nur Otan» партиясының  Сайлауалды бағдарламасын түсіндіріп, қазіргі уақытта атқарылып жатқан шаралар туралы баяндады. Аналарымыз алғыстарын жаудырып көтеріңкі көңіл күймен тарқасты.

2021 жылғы 3 желтоқсан күні, «Nur Otan» партиясы Түркістан облыстық филиалының «Open Space» үлгісіндегі қоғамдық қабылдау орнында, облыстық мәслихат депутаты, «Nur Otan» партиясы ТОФ жанындағы Білім мен ғылымды дамыту жөніндегі қоғамдық кеңес төрағасы, «Nur Otan» партия мүшесі Р.Қуатбекова онлайн және оффлайн форматтарда ұйымдастырылған қоғамдық қабылдау өткізді. «Nur Otan» партиясы Түркістан облыстық филиалы қоғамдық қабылдау бөлімінің меңгерушісі  Б.Құлжанов жүргізіп отырды.

Қоғамдық кеңес жұмыстары туралы Р.Қуатбекова өз баяндамасын жасады. Сонымен қатар Қоғамдық кеңестің және Білім мен ғылымды дамыту қоғамдық кеңестің негізгі міндеттері мен мақсаттарын атап өтті.

Қабылдауға жазылған, хабарласқан және өтініштерін жазып жіберген азаматтардың сұрақтары мен мәселелерін жеке тыңдап, мәселелері бойынша өтініштердің барлығына жауап берді. Қосымша сұрақтарды өз назарына алып, 1 сұрақтың шешімін табу үшін депутаттық сауал жолданды.

Өз кезегінде қабылдауда болған азаматтар партияға деген сенімдерін жеткізді. Өз алғыстарын айтып, жұмысыма сәттілік тіледі.

Тұрғындардың мұң-мұқтажын тыңдау алдағы уақытта да жалғасын табады.

Білімді жастар – ел болашағы!

Үстіміздегі жылдың 8 желтоқсан күні «Nur Otan» партиясының 2021-2025 жылдарға арналған «Өзгерістер жолы: Әр азаматқа лайықты өмір» атты Жол картасын іске асыру барысында, Арыс қаласындағы Түркістан облысы адами әлеуетті дамыту басқармасының «Абай» атындағы білім-инновациялық ер-балаларға арналған лицей-интернаты КММ-нің балаларға арналған мектебіне облыстық мәслихаттың депутаты Р.Қуатбекова ат басын бұрды. Биылғы оқу жылында жаңадан ашылған білім мекемесінде, еліміздің түкпір-түкпірінен 145 бала білім алуда.

Мектеп директоры Е.Тұрлыбеков шәкірттердің барлығы іріктеу кезеңінен өтіп, жоғары нәтиже көрсеткенін және оқушыларға арналған 4 мезгіл тамақпен жаңа үлгідегі жатақханаға орналастырған. Қазіргі таңда, білім алушылар заманауи құрал-жабдықдармен қамтылып, үш тілде білім алуда деді.

Р.Қуатбекова өз кезегінде, мекеменің ішкі жағдайымен танысып, ұстаздар қауымымен тілдесіп алдағы уақытта «Nur Otan» партиясының сайлауалды бағдарламасына орай, қаладағы білім нысандарына көптеген көмек көрсілетіндігі жөнінде атап айтты

«Болашақ» – жастардың қолында. Партия жастарымыздың білім алуы жолында аянбай еңбек етеді.

Алғыс

04.02.2022 ж. Түркістан облыстық мәслихатының депутаты Р.Қуатбекова «Nur Otan» партиясы Арыс қалалық филиалының Қоғамдық қабылдау бөлмесінде бір қатар белсенді партия мүшелеріне Отанға деген адал қызметі, қоғамға және Арыс өңіріне сіңірген еңбегі үшін «Nur Otan» партиясының Түркістан облыстық филиалы төрағасының бірінші орынбасары Б. Тәжібаевтың, «ҚР 30 жылдық мерекесіне» орай партия атынан бірқатар қызметкерлерге берілген алғыс хатын табыстады. Алғыс хат иелері: Әшім Сәбит (Е.Молдабаев атындағы ЖОМ директоры), Момбеков Ашимхан Тилеуханович (Арыс қалалық білім бөлімінің басшысы), Маханов Санжар Ерлановичке (Арыс қалалық сайлау комиссиясының төрағасы). Өз кезегінде Рабиға Әбдімұсақызы алдағы уақытта жұмыстарына толағай табыстар тілей отырып, отбасыларына амандық дендеріне саулық ел өркендеуі жолында еңбектеріңіз еселене берсін деп тілек білдірді.

ОБЛЫСТЫҚ МӘСЛИХАТ ДЕПУТАТЫ Р.ҚУАТБЕКОВА ҚОҒАМДЫҚ ҚАБЫЛДАУ ӨТКІЗДІ

07.02.2022 ж. «Nur Otan» партиясы Арыс қалалық филиалының қоғамдық қабылдау бөлмесінің 2022 жылға арналған жұмыс жоспарына сәйкес, Түркістан облыстық мәслихатының депутаты, мәслихаттағы депутаттық фракция мүшесі – Қуатбекова Рабиға Әбдімұсақызы қала тұрғындарымен жеке қоғамдық қабылдау өткізді.  Қабылдауға келген қала тұрғыны Ш.Нұрымов Монтайтас ауылдық округіне қарасты 41-разъезд елді мекеніндегі мешіттің жылу мәселесін көтерді.  Өз кезегінде облыстық мәслихат депутаты Р.Қуатбекова мешіттегі ахуалды шешуге өз тарапынан қолдау көрсететін білдірді.  Сондай-ақ, қоғамдық қабылдауға жүгінген қала тұрғындары аяқталмай қалған арнаулы орта білімді жалғастыру жөніндегі мәселелерді көтерді.  Қабылдауға жазылған тұрғындарға түсіндірме жұмыстары жүргізіліп, тұрғындардың өтініштерін мұқият тыңдап, тиісті бөлімдер мен мекемелер арқылы шешу жолдары қарастырылып, олардың сапалы әрі мерзімінде іске асырылуын өз бақылауына алатындығын жеткізді.

«Халық бірлігі және жүйелі реформалар – ел өркендеуінің берік негізі»

Мемлекет басшысының 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын іске асыру жөніндегі іс-шаралар жоспарының 43 тармағын орындау мақсатында облыс аумағындағы апатты және үш аусымды, үш аусымға өту қәуіпі бар орта білім беру ұйымдарына маниторинг жүргізетін жұмысшы топ құрылған болатын. Аталмыш топ құрамында Түркістан облыстық мәслихатының депутаттары, облыстық адами әлеуетті дамыту басқармасының орынбасары мен мамандары, облыстық құрылыс басқармасының жобалық техникалық бөлімі және облыстық бюджеттік инвестициялық жобалар орындалуы мен материялдық-техникалық қамтамасыз ету бөлімінің мамандары бар.  Бүгін 04.02.2022 ж. облыстық мәслихат депутаты Р.Қуатбекова осы жұмысшы топпен бірге Арыс қаласы бойынша И.Журба ЖОМ, қалалық 2-ші бастауыш мектебімен, Е.Молдабаев атындағы Жас натуралистер, техниктер, туристік стансасы мекемелерінің жағдайымен танысып, қосымша құрылыс ғимаратын салу сонымен қатар ағымдағы құрылыс жұмыстарын жүргізу керектігі туралы өз ойларын бөлісті.

АРЫС ҚАЛАСЫНДА МӘЖІЛІС ДЕПУТАТЫНЫҢ ҚАТЫСУЫМЕН «NUR OTAN» ПАРТИЯСЫ ФРАКЦИЯСЫНЫҢ КЕЗЕКТЕН ТЫС МӘЖІЛІСІ ӨТТІ

 

ҚР Парламенті Мәжілісінің депутаты, “Nur Otan” партиясының фракция мүшесі, Парламенттегі Халықаралық істер, Қорғаныс және қауіпсіздік комитетінің мүшесі Ержан Құдайберген Төлепұлының Арыс қаласына іс-сапары аясында 2022 жылдың 18-ақпан күні, “Nur Otan” партиясының Арыс қалалық филиалының ұйымдастыруымен фракция отырысы өтті. Аталған отырысқа “Nur Otan” партиясының мүшесі, Түркістан облыстық мәслихатының депутаты және фракция жетекшісінің орынбасары ретінде аталмыш фракция отырысына Р. Қуатбекова арнайы қатысты.

Фракция отырысында, “Nur Otan” партиясының Арыс қаласы бойынша “Өзгерістер жолы: Әр азаматқа лайықты өмір!” атты сайлауалды бағдарламасының 2021 жылдың 12 айында атқарылған жұмыстары туралы Арыс қалалық экономика және қаржы бөлімінің басшысы М.Асановтың баяндамасы тыңдалды. Ол өз баяндамасында сайлауалды бағдарламаның орындалуына тоқталып, аталмыш жыл көлемінде 97 іс-шараның 78-і (80,4%) орындалғаны, ал орындалу мерзімі келмеген бойынша 19 (19,6%) іс-шаралар болғандығын атап өтті. Сонымен қатар, дарынды балаларға тереңдетілген білім беретін “Білім-инновация” лицей-интернаты ашылғанын, қалаға қарасты Аққала, Көкжиде және Орманды елді мекендерінде сумен жабдықтау жүйесінің құрылысы толық аяқталғанын және Көктем-2 тұрғын ауданында 36 пәтерлік 3 үйдің құрылысы аяқталып, 108 отбасы баспаналы болғанын атап өтті. Бұдан бөлек, отырыста күн тәртібіндегі мәселе бойынша сұрақтар мен ұсыныстар айтылды. Облыстық мәслихат депутаты Р. Қуатбекова өз кезегінде облыстық “Білім мен ғылымды” дамыту жөніндегі қоғамдық кеңестің төрайымы ретінде “Nur Otan” партиясы Арыс қалалық филиалының кестесіне сәйкес өткізілген қоғамдық қабылдаулар туралы тоқталып, әлі күнге дейін шешімін таппай келе жатқан жарылыстан жапа шеккен кәсіпкерлердің мұң-мұқтажына назар аудару керектігі туралы айтып өтті. Жиын соңында, Парламент Мәжілісінің депутаты Қ.Ержан фракция мәжілісі бойынша қорытынды жасап, Парламент қабырғасында атқарылып жатқан жұмыстар туралы баяндады.