Нишанкулов Бадритдин Икрамжанович

 (айы,жылы) Қаңтар, 2021 ж. 2011 ж.
Бастап (қай шақырылым депутаты және негізгі қызмет орны, лауазымы толық көрсету қажет) Жетінші шақырылымдағы Түркістан облыстық мәслихатының депутаты. «НИК групп» ЖШС бас директоры
Туған кезі (күні, айы, жылы) 1967 жылы 19 қаңтар
Туған жері Өзбекстан Республикасы,Ташкент облысы
Ұлты Өзбек Білімі Жоғары
Бітірген жылы 1992 ж. 2002 ж. Қарағанды мемлекеттік медицина институты. Оңтүстік Қазақстан мемлекеттік фармацептика академиясы .
Білімі бойынша мамандығы Хирург. Жалпы тәжірибе фармацевті.
Қандай шетел тілдерін немесе ТМД халықтарының тілдерін біледі Қазақша, орысша Ғылыми дәрежесі, ғылыми атағы Кенстейт, АҚШ университетінің Құрметті докторы
Мемлекеттік наградалары, құрметті атақтары бар ма (қандай, алған жылы) «Қазақстан Республикасының Тәуелсіздігіне 20 жыл» мерекелік медалі  (2011ж.); «Қазақстан мәслихаттарына 20 жыл» мерекелік медалі (2014 ж.); «Астана 20 жыл» мерекелік медалі (2018 ж.); «Қазақстан халқы Ассамблеясына 25 жыл» мерекелік медалі (2020 ж.); «Қазақстан Конституциясына 25 жыл» мерекелік медалі (2020 ж.); «Облысқа сіңірген еңбегі үшін» медалі (2020 ж.)
Партияға қатыстылы «NUR OTAN» партиясының мүшесі
 
Келген / Кеткен айы және жылы БҰРЫНҒЫ ЖҰМЫСЫ 
1992 1994 Шымкент қаласы «№6 Жедел жәрдем» медициналық мекемесінің хирургі,  реаниматолог дәрігері
1994 1996 Жеке кәсіпкер
1996 1998 «Хасантаева и К» ЖШС директоры
1998 2011 «Зерде» ЖШС бас директорының коммерция жөніндегі орынбасары
2011 б.к.д. «НИК групп» ЖШС бас директоры

11.04.22 ж.

БІЛІМДІ ЕЛ – БІЛІКТІ ЕЛ. 

 

Оқуы озған, ғылымы дамыған ел ғана өркениетке жете алады.

Сондықтан, елімізде Тәуелсіздіктің алғашқы күнінен бастап білім мен ғылым – мемлекеттік саясаттың басым бағыты.

«AMANAT» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасында да ғылым және білімді дамыту мәселелеріне баса мән берілген. 

Түркістан облыстық мәслихат депутаттары, «AMANAT» партиясы фракциясы мүшелері де  дарынды балаларды, оның ішінде ауылдық жерлердегі қабілетті балаларды анықтау мен қолдау жұмысын жалғастыра отырып, әлемдік сұранысқа жауап бере алатын білімді, білікті адам капиталын қалыптастыру жұмыстарына атсалысып отыр.

Күні кеше Түркістан облысы Сайрам ауданы Қарабұлақ, Өріс, Құлкент ауылдарындағы 16 мектеп оқушылары арасында сынақ өткізілді.

10-сынып оқушылары арасындағы тест нәтижелері бойынша жоғары көрсеткішке ие болған жүлделі 10 балаға және үздік 3 мектепке  сыйлықтар табыс етілді. 

Іс-шара өткізуге атсалысып, демеушілік жасаған облыстық мәслихат депутаты Бадриддин Нишанкулов:

Мұндай жарыстар балаларымыздың оқу белсенділігін арттырып,  білімге деген қызығушылығын, ынтасын оятады, – деді және бұндай жаралар жалғасын табатындығын жеткізді.

09.04.22 ж.

АЛАҢҒА МЫҚТЫЛАР ШЫҚТЫ. 

Ұрпақ саулығы – ұлт байлығы.  «AMANAT» партиясының 2025 жылға дейінгі «Өзгерістер жолы: Әр азаматқа лайықты өмір!» атты сайлауалды бағдарламасында айқындалғандай, партия алдағы бесжылдықтағы жұмысында ұлт саулығын нығайту, халықты бұқаралық спортқа жаппай тартуды көздеген. 

Осыған орай, 2022 жылдың 9-10 сәуірінде Түркістан облысы Сайрам ауданы Қорабұлақ, Өріс және Құлкент елді мекендерінен шыққан 26 команда арасында Спортинг стритболынан ашық біріншілік өткізілді. 100-ден астам адам қатысқан турнир Түркістан облысы өзбек этномәдени бірлестігінің төрағасы, облыстық мәслихат депутаты Бадриддин Нишанкуловтың демеушілігімен өтті. 

Қызықты әрі әділ өткен бұл сайыста жеңімпаздар бағалы сыйлықтармен марапатталды.

Халық қалаулысы Б.Нишанкуловтың айтуынша, алдағы уақытта басқа елді мекен тұрғындары арасында да бұндай сайыстар өткізіледі.  Өйткені, депутаттық жұмысында салауатты өмір салтын насихаттау, денсаулықты шынықтыру, дамыған, мықты тұлғаларды тәрбиелеуді басты мақсат етіп қойған.

25.02.2021 ж.

Қоғамдық қабылдау

Облыстық мәслихаттың депутаты Б.Нишанкулов 2021 жылғы 25 ақпан күні Сайрам ауданында өзінің іс-жоспарына сәйкес сайлаушыларымен қоғамдық қабылдау өткізді.Қоғамдық қабылдауға 9 азамат келіп, олар аз қамтылған отбасыларға берілетін әлеуметтік көмек, алимент өндіру, жұмысқа тұру және тағы да басқа мәселелерін көтеріп, аталған мәселелерді шешу бойынша депутат тарапынан көмек көрсету туралы өтініштерін білдірді. Қоғамдық қабылдау барысында облыстық мәслихаттың депутаты Б.Нишанкулов қолданыстағы заңдылықтарға сәйкес, мәселелерді өз деңгейінде шешу үшін тиісті органдармен бірлесіп жұмыс жасайтынын, барлық көтерілген мәселелердің оң шешілуіне ықпал көрсететіні туралы айтты.

 2021 жылғы 19 қазанда Сайрам ауданындағы карьерлерге партиялық бақылау жүргізілді. «Nur Otan» партиясы Түркістан облыстық филиалы төрағасының бірінші орынбасары, фракция жетекшісі Б.Тәжібаев пен Түркістан облысының инвестиция экспорт басқармасының басшысы Қ. Әзімов бастаған жұмысшы топ жер қойнауын пайдаланып жатқан бірнеше компанияның жұмыс барысын бақылап, өңірде заңдылықтың сақталуын қадағалаудан өткізді.

Сонымен бірге жұмысшы топ құрамында Түркістан  облыстық мәслихатының депутататтары Д. Егамбердиева, Б.Нишанкулов,  Сайрам ауданы әкімінің орынбасары Ш.Убайдуллаев және «Nur Otan» партиясы  Сайрам аудандық филиалы төрағасының бірінші орынбасары А.Әбдіқадыров болды.

Аудан аумағында 23 кең таралған пайдалы қазбаларды өндіретін орынның рұқсат құжаттары алынған, оның ішінде 4-уі уақытша тоқтап тұр, 2-нің келісімшарттары мерзімнен бұрын тоқтатылған. Қазір  17- сі жұмыс атқаруда. Ауданда арнайы мобильдік топ құрылған.  Осы топ Ақсукент, Қарамұрт және Қарасу ауылдық округтерінде жер учаскелерін нысаналы мақсатына сай пайдаланбай, заңсыз жер учаскелерін қазып, қиыршық тас өңдеп, құрылыс жұмыстарын жүргізіп отырған 31 жеке және заңды тұлғаларды немесе 34 жер телімін анықтаған.  Қазір 15 учаскеге шара көріліп, сотта қаралуда,  5 учаске бойынша Түркістан облыстық полиция департаменті тарапынан тергеу жүріп жатыр.

Мобильді топ облыстық автокөлік инспекциясымен бірлесе зерделеу жұмысын атқарды. Нәтижесінде заңды бұзған 56 құм тас тасымалдаушы автокөлікке 2 603 640 теңге айыппұл салынған. Ақсу өзенінің бойында орналасқан 3 жер қойнауын пайдаланушының да жұмысы зерделеніп,  тиісті ұсыныстар әзірленген.

Аудандағы карьерлерді аралаған Б. Тәжібаев «Nur Otan»  партиясы тарапынан барлық аудан, қалада жұмысшы топтар құрылып,  бұл мәселе бақылауға алынғанын жеткізді.  Алдағы уақытта да облыс аумағында тексеру, мониторинг жұмыстары жалғасады.

Бүгін Түркістан облысы облыстық мәслихатының депутаты, «АМАНАТ» партиясы фракциясының мүшесі ретінде Б.Нишанкулов Сайрам ауданы Қарабұлақ ауылында көшпелі қоғамдық қабылдау өткізді. Кездесуге сұрақтармен 5 адам келді. Қарабұлақ ауылының тұрғыны Хабиболла Сайдуллаев Сейфуллин көшесін асфальттау мәселесімен келді. Бұл көшенің ұзындығы 3 шақырымды құрайды.  Жұмыстың сметасы жасалған, бірақ ілгерілеу жоқ. Барлық нюанстарды тыңдай келе, депутаттық сауалмен ауыл әкіміне жүгіну ұйғарылды. Мектеп директоры Фархад Муминов Жамбыл мектебіне жаңа ғимарат салу мәселесін сұрады. Мектеп өткен ғасырдың 60-жылдары салынған және 1500-ге жуық оқушыға арналмаған. Биыл үш ауысымда оқу қауіпі бар. Асхана, кітапхана, оқу залы, шеберхана жоқ. Ескі мектеп ғимараты апатты жағдайда. Төтенше жағдайлар департаменті мен облыстық адами капиталды дамыту басқармасына өтінішпен жүгіну туралы шешім қабылданды. №101 мектептің бірінші қабатының топырақтың шөгуі мен апатты жағдайда болуы да ауыл тұрғындарын алаңдатып отыр. Мамлакат Құрбанбаеваның айтуынша, оқу жылының басталуына 20 күн қалды, мектепте ештеңе жасалмаған, мәселе былтырдан бері белгілі болса да. Бірінші қабаттағы бірнеше бөлменің іргетасы шөгіп, едені опырылып жатқан мектепке ата-аналар балаларын жіберуге қорқады. Арнайы комиссия құрып, мектепті жөндеу мәселесін шешу туралы шешім қабылданды. Мұхаммеджан Ахмадқұлов ауыл тұрғындарының бау-бақшасына суару суының тапшылығы туралы айтты. Жаздың ортасында суару суының тапшылығы өткір сезіледі. Ауыл әкіміне жүгініп, мәселені шешуге шешім қабылданды. Фатима Қабылбекова ауылда ойын алаңдарының жоқтығына алаңдаулы. Балалардың ойнайтын жері, ойын алаңдары мен саябақтары жоқ. Ауыл тұрғындарының мәдени бос уақытын өткізу – өміріміздің маңызды саласы, дейді ол. Ал қарабұлақтықтардың балалары 40 шақырым қалаға бармай, заманауи алаңдарда ойнаса нұр үстіне нұр болар еді. Барлық сұрақтар мен өтініштер жазылды және алдағы күндері бұл мәселелермен айналысатын боламын.

 

2022 жылы 2 қыркүйек күні Түркістан облысы бойынша Экология департаменті мен  Түркістан облыстық Қоғамдық кеңестің біріккен отырысында Түркістан облысының бей-берекет жатқан қоқыс орындары бойынша қоғамдық кеңес өткізілді. Біріккен отырысты Түркістан облысы бойынша экология департаментінің басшысы Қалмахан Қанат Қалмаханұлы жүргізіп отырды. Кеңестің күн тәртібі бойынша  облыстық экология департаменті Мемлекеттік экологиялық бақылау бөлімінің басшысы Қожатайұлы Мәди, Кентау қаласы тұрғын-үй коммуналдық шаруашылығы, жолаушылар көлігі, автомобиль жолдары және тұрғын-үй инспекциясы бөлімінің басшысы Касынбеков Талғат Набиевич баяндама жасады.  Жиналыс барысында олар кеңес мүшелерінің сұрақтарына жауап берді. Кеңестің соңында облыстық Қоғамдық кеңесінің мүшесі Зуппархан Чалданов сөз сөйлеп, қорытындылады.     Түркістан облысының табиғи ресурстар және табиғат пайдалануды реттеу басқармасы басшылығымен 201 ашық қоғамдық тыңдаулар өткізілген. Тыңдаулар экологиялық порталда (есороrtal.kz) көпшілік  талқылауларын жұргізу арқылы ұйымдастырылған.

 

  1. Экологиялық акция аясында «Таза Like» тақырыбында Созақ ауданында сенбілік өтті!

Қазақстан Республикасы Ақпарат және Қоғамдық даму министірлігінің қолдауымен «Eurasian Eхpert Council» қоғамдық қоры «Азаматтық бастамаларды қолдау орталығы» гранты аясында «Қазақстан Республикасындағы Қоғамды кеңестерді дамыту» әлеуметтік жобасын жүзеге асыру іс-шаралары бойынша Созақ аудандық Қоғамдық кеңесінің Әлеуметтік саланың дамуы жөнінде, экологиялық ахуал және азаматтардың құқықтарын қамтамасыз ету бойынша комиссияның ұйымдастыруымен «Экология және қоршаған орта сапасы» тақырыбында апталық жоспар бекітілген. Осы жоспар аясында Созақ ауданы бойынша «Таза Like» сенбілік акциясы ұйымдастырылды. Акцияға аудан аумағындағы ауыл округ, кенттің 370 тұрғыны қатысып, көше бойлары, жаяу жүргіншілер жолдары, өзен мен бұлақ жағалауларын тазалауға белсене атсалысты. Жалпы тазалық акциясы аясында  аудан бойынша 30 тоннаға жуық қоқыс шығарылды. (сүрет, бейне жазу)

  1. Қоқыс полигондарына мониторинг жасалды

Созақ аудандық Қоғамдық кеңесінің «Әлеуметтік саланың дамуы, экологиялық ахуал және азаматтардың құқықтарын қамтамасыз ету бойынша» комиссияның ұйымдастыруымен «Экология және қоршаған орта сапасы» тақырыбында апталық жоспар бекітілген. Осы жоспар аясында Созақ ауданына қарасты Созақ, Шолаққорған ауылдық округтері және Таукент кентіндегі қоқыс полигондарына зерделеу жұмыстары жасалды.

Жалпы аудан бойынша Шолаққорған, Жартытөбе, Құмкент, Созақ ауылдық округтерінде және Таукент, Қыземшек кенттерінде қатты тұрмыстық қалдықтар тастайтын орындар (полигон) бар. Сызған, Қарақұр, Қаратау, Тасты, Жуантөбе және Шу ауылдық округтеріне қатты тұрмыстық қалдықтар тастайтын орындарға жер телімдері алынып, мемлекеттік жер актілері рәсімделіп, жобалау сметалық құжаттары әзірленген.

Созақ ауылындағы қоқыс полигоны 2018 жылы пайдалануға берілген және орналасқан жер көлемі 10 гектарды алып жатыр. Қазіргі таңда «Асыл Ад» жауапкершілігі шектеулі серіктестігі өз жауапкершілігіне алып, ауылдың тұрмыстық қалдықтарын жинап, ретке келтіріп отыр екен.

Таукент кентіндегі 3 гектар жерге орналасқан қатты тұрмыстық қалдықтар тастайтын полигон «Созақ Сәулет» мемлекеттік коммуналдық кәсіпорынына сенімгерлік басқаруға беріліп, жұмыстар жүргізілуде.

Шолаққорған ауылындағы қатты тұрмыстық қалдықтар тастайтын полигонның жарамдылық мерзімі бітіп, қазіргі таңда «Созақ-сәулет» мемлекеттік коммуналдық кәсіпорын тарапынан  жер теліміне  жерге орналастыру жобалары әзірленіп, ауыл шаруашылығы өндірісіне келтірілетін зиян шығындарын алуға құжаттар тапсырылған. Алдағы уақытта өз шешімін табады.

  1. Созақ ауылындағы тұрмытсық қалдықтарды сұрыптап жинайтын кәсіпкердің жұмысымен танысу

Созақ ауылында орналасқан қайта өңдеуге жататын тұрмыстық қатты қалдықтарды сұрыптап жинаумен айналысатын жеке кәсіпкер Азимбаева Салия Рысханқызының жұмысымен танысты. 2019 жылы негізін қалап, казіргі таңда экологияны тазарту бағытында тиімді жобаны қолға алған кәсіпкер, жиналған қатты қалдықтарды айына бір рет Шымкент қаласына алып барып өткізетіндігін және жылына 90-100 тоннаға жуық қайта өңдеуге жататын тұрмыстық қатты қалдықтар жиналатынын айтып өтті. Алдағы уақытта пластмасса қалдықтарын ұсақтап турайтын аппарат алуды жоспарлап, қайтарымсыз грантқа жоба ұсынғанын тілге тиек етті. Өз қарамағында 4 адамды жұмыспен қамтып, қоршаған орта мен қоғамға пайдасын тигізіп отырған кәсіпкердің жұмысына сәттілік тіледі.

  1. Қоршаған ортаны таза ұстау мақсатында аудан тұрғындарына үнпарақтар таратылды

Созақ аудандық қоғамдық кеңесі, Түркістан облысы табиғи ресурстар және табиғат пайдалануды реттеу басқармасы тарапынан тұрмыстық қалдықтарды бөліп жинау бойынша әзірленген үнпарақтары алынып, халыққа түсіндіру жымыстары жүргізіліп тарқатылды.

Қоршаған ортаны қорғау, санитарлық тазалықты қамтамасыз ету. Қоршаған ортаны қорғау, санитарлық тазалықты қамтамасыз ету  жұмыстары бойынша Шардара қаласы және ауылдық  округтерде сенбіліктер ұйымдастырылды. Шардара ауданында 12 қатты тұрмыстық қалдықтарға арналған полигон орны бар. Барлық полигондарға эмиссиялық рұқсат алынған.

Ағымдағы жылы Шардара ауданы аумағындағы полигондарды санитарлық және экологиялық талаптарға сәкестендіру мақсатында 5 жылға іс –шара жоспары бекітілген. Жұмыс нәтижесінде Қоғамдық кеңес жиналыс өткізіп, жасыл аймақтарды тұрақты күтімге алуды бақылауға алды.